Category:

Green Talks

10 Tallaabo oo Aad Ku Soomi Karto Ramadaan Cagaaran

by Admin February 18, 2026

written by Admin

Ramadaan waa bil cibaado, toobadkeen iyo dib-u-eegis nololeed. Waa waqti aan ku hagaajinno xiriirka aan la leenahay Alle iyo dadka iyo deegaanka. Laakiin maanta, Soomaaliya waxay ku jirtaa marxalad deegaan oo adag: abaaro soo noqnoqda, fatahaado wax burburiya, xaalufin dhir, wasakhow sii kordhaya iyo kuleyl kor u kacaya. Dalka ayaa ka mid ah kuwa ugu nugul saameynta isbeddelka cimilada, inkastoo aanu ka mid nahay kuwa ugu yar ee sii daaya qiiqa dunida ee sababay isbeddelka cimilada iyo kuleylka.

Ramadaan cagaaran micnaheedu waa in cibaadadeennu aysan ku ekaan salaad iyo soon oo keliya, balse ay ku darto mas’uuliyad deegaan. Waa in ficilladeennu noqdaan kuwo yareeya qashinka, badbaadiya khayraadka, xoojiya bulshada tabaalaysan, kor u qaada bilicda, badbaadiya xayawaanak iyo noolaha kale ee dariska inoo ah, isla markaana kordhiya oo laba laaba ajarkeena.

Haddaba, sidee ayaad u soomi kartaa Ramadaan cagaaran? Halkan ka ka akhri 10 tallaabo oo kugu hagi kara Ramadaan cagaaran.

1. Jooji Khasaarinta Cuntada

Ramadaanka waxaa lagu arkaa miisas ay buuxaan cuntooyin kala duwan, kuwaas oo in badan la daadiyo, halka qoysas badan oo Soomaaliyeed ay la daalaa dhacayaan cunno yari. Qashinka cuntadu wuxuu la micno yahay biyo la khasaaray, gaas iyo qiiq la siidaayay, dhir la gubay, iyo deegaanka oo la wasakheeyay. Soomaaliya oo wajahaysa cunto yari iyo nafaqo darro, qorshaynta cuntada iyo yaraynta qashinku waa tallaabo muhiim ah. Diyaari inta loo baahan yahay, dib u isticmaal hambada ama hadhaaga, una qaybi wixii dheeraad ah dadka baahan. Tani waa caddaalad bulsho iyo cibaado isku jirta.

Alle SWT wuxuu yiri:
“Cuna oo cabba, hana xad-gudbina. Eebbe ma jecla kuwa xadgudba.” (Al-Acraaf 7:31)

2. Yaree Isticmaalka Biyaha.

Soomaaliya waxay kujirtaa abaaro ba’an oo sababay barakac, gaajo iyo xoolo la’day. Qiyaastii 4.8 milyan oo qof ayaa u baahan gargaar degdeg ah oo biyo iyo cunto ah. Xaaladdan adag dhexdeeda, biyuhu ma aha oo keliya khayraad dabiici ah ee waa laf-dhabarta nolosha, caafimaadka iyo badbaadada bulshada. Ramadaanta gudaheeda waa in si miyir leh loo isticmaalaa biyo kasta. Badbaadinta biyuhu waa mas’uuliyad diini ah iyo tallaabo wax ku ool ah oo lagu xoojinayo adkeysiga bulshada ee saameynta isbeddelka cimilada.

Nabiga ﷺ wuxuu yiri:
“Ha khasaarin biyaha xitaa haddii aad ku sugan tahay webi qulqulaya.” (Ibn Maajah)

3. Ha Jarin Geedaha – Beer Geed Cusub

Xaalufinta dhirta ayaa kordhisay kulaylka magaalooyinka, nabaad-guurka dhulka iyo roobka poo yaraada. Geeduhu waxay qaboojiyaan hawada, yareeyaan kaarboonka, xoojiyaan carrada si waxsoosaarku u wanaagsanaado, unwaxayna u noqdaan hoos iyo nolol xoolaha iyo dadka. Beerista geed cusub ama ilaalinta geed jira waa maalgashi cimilo iyo sadaqo socota oo ajar joogto ah leh. Soomaaliya oo u baahan dib-u-dhirayn, ficil kasta oo geed lagu beero waa talaabo mustaqbal lagu badbaadinayo ajar bandanna laga helayo.

“Haddii Muslim geed beero… waxay u tahay sadaqo.” (Bukhaari & Muslim)

4. Yaree Isticmaalka Bacaha iyo Caagga

Caagga iyo qashinkiisu waxay xirayaan marinnada biyaha, kordhiyaan fatahaadaha xilliga roobka, waxyeelleeyaan xoolaha iyo noolaha badaha, isla markaana waxay wasakheeyaan xeebaha dalka. Xeebaha Soomaaliya waa hanti qaran oo taageerta kalluumeysiga, dhaqaalaha buluugga ah, iyaga oo nolol u abuura malaayiin qof oo soomaaliyeed. Yaraynta bacaha hal-mar la adeegsado iyo doorashada qalab dib loo adeegsan karo waxay yaraynaysaa qashinka iyo wasakhowga. Islaamku wuxuu mamnuucay waxyeello kasta.

“Waxyeello ma bannaana, waxyeellana laguma celin karo.” (Ibn Maajah)

5. Ka Qayb Qaado Ololayaasha Nadaafadda

Qashinka sii kordhaya ee magaalooyinka wuxuu sababa cudurro, ur, iyo wasakhow. Xilliyada roobka, qashinku wuxuu xiraa bullaacadaha, taas oo keenta fatahaado. Nadaafaddu waa tiir ka mid ah iimaanka, waana mas’uuliyad wadajir ah. Ka qaybgal nadiifinta masaajidda, xaafadaha, suuqyada iyo xeebaha. Ilaalinta nadaafadda waa ilaalinta caafimaadka bulshada iyo badbaadinta deegaanka.

“Ka qaadista wax dhib ah waddada waa sadaqo.” (Muslim)

6. Iibso Wax-soo-saarka Gudaha

Doorashada wax-soo-saarka gudaha waa mabda’ ku qotoma taageeridda dhaqaalaha bulshada, xoojinta beeraleyda iyo dhiirrigelinta isku-filnaanshaha dalka. Marka la iibsado cunto iyo badeecooyin laga keenay dibadda, waxaa kordha qiiqa ka dhasha gaadiidka ama dhoofinta (carbon emissions), baakadaha iyo daasadaha badan oo kordhiya qashinka. Taas beddelkeeda, taageeridda suuqyada maxalliga ah iyo wax-soo-saarka gudaha waxay yaraynaysaa qiiqa gaadiidka, hoos u dhigtaa qashinka, isla markaana kobcisaa dakhliga beeraleyda dalka. Soomaaliya oo si toos ah u wajahaysa saameynta isbeddelka cimilada, xoojinta wax-soo-saarka gudaha waa tallaabo istiraatiiji ah oo lagu dhisayo horumar waara, shaqo-abuur iyo adkeysi bulsho.

Alle SWT wuxuu yiri:
“Iska kaashada wanaagga iyo cabsida Alle.”(Al-Maa’idah 5:2)

7. Ka Qaybgal Ololayaasha Afurinta iyo Gurmadka Abaaraha

Soomaaliya waxay safka hore kaga jirtaa dalalka ay sida daran u saameeyeen abaaraha iyo isbeddelka cimilada, taasoo keentay cunto yari, biyo la’aan iyo barakac ballaaran. Malaayiin qof ayaa wajahaya nolol adag, iyagoo ku tiirsan gargaar degdeg ah si ay u helaan cunto iyo biyo nadiif ah. Ramadaan waa bil naxariis, wadaag iyo is-garabsi; sidaas darteed, ka qaybgalka ololayaasha afurinta iyo gurmadka abaaraha ma aha oo keliya samafal, balse waa maalgashi nololeed iyo mid cimilo oo xoojinaya adkeysiga bulshada. Marka aad taageerto qoys sooman oo baahan, waxaad badbaadinaysaa nolol, yareynaysaa saameynta musiibooyinka dabiiciga ah, isla markaana kordhinaysaa ajarkaaga.

Nabiga ﷺwuxuu yiri:
“Qofkii afuriya qof sooman, wuxuu helayaa ajarkiisa oo kale.” (Tirmidi)

8. Lugee – Yaree Isticmaalka Gaadiidka

Isticmaalka gaadiidka gaarka ah ee sii kordhaya wuxuu ka qayb qaataa qiiqa hawada, wasakheynta deegaanka iyo saxmadda magaalooyinka, gaar ahaan xilliyada mashquulka ah sida Ramadaanta. Qiiqa kaarboonka iyo sunta kale ee hawada ku sii daaya waxay saameyn toos ah ku yeeshaan caafimaadka bulshada iyo isbeddelka cimilada. Lugeyntu waa beddel fudud oo waxtar leh: waxay yaraynaysaa qiiqa, hoos u dhigtaa saxmadda, isla markaana hagaajisaa caafimaadka wadnaha, neefsiga iyo firfircoonida jirka. Socod maalinle ah—even masaafo gaaban oo loo maro masaajidka ama suuqyada xaafadda—wuxuu ka qayb qaataa hawada nadiifka ah iyo nolol caafimaad leh, isagoo isu keenaya daryeelka deegaanka iyo daryeelka nafta.

Nabiga ﷺ wuxuu yiri:
“Tallaabo kasta oo uu qofku u qaado salaadda, waxaa lagu qorayaa darajo, dembina waa laga tirayaa.” (Bukhaari & Muslim)

Sidaas darteed, lugeyntu ma aha oo keliya ficil caafimaad iyo deegaan, balse waa tallaabo ajar leh.

9. Yaree Isticmaalka Tamarta ama korontada badan.

Korontada laga dhaliyo shidaalka waxay sii daysaa qiiqa kaarboonka oo kordhiya kuleylka dunida iyo isbeddelka cimilada. Soomaaliya oo durba la tacaalaysa abaaro iyo kulayl sii xoogeysanaya, ku tagri-falka tamartu wuxuu ka dhigan yahay khasaare deegaan iyo dhaqaale. Ramadaanta gudaheeda isticmaalka nalalka iyo qalabka korontadu wuu kordhaa, sidaas darteed dami qalabka aan loo baahnayn, isticmaalna nalal tamar-yar. Yaraynta tamartu waxay hoos u dhigtaa qiiqa, ilaalisaa khayraadka, isla markaana yareysaa kharashka qoyska.

Alle SWT wuxuu yiri:
“Kuwa israafa waa walaalaha Shaydaanka.” (Al-Israa 17:27)

10. U Naxariiso Xayawaanka iyo Duurjoogta

Xoolaha iyo duurjoogtu waa makhluuqaad Alle abuuray, lehna xuquuq iyo nolol mudan in la dhowro. Islaamku wuxuu mamnuucay waxyeelayntooda, wuxuuna ku booriyay naxariis, quudin iyo daryeel. Bar carruurtaada ama kuwa qoyska iyo dariskaaga inay ilaaliyaan oo aysan dhibin xayawaanka sida eyda iyo bisadaha. Xilliyada abaarta, waxaa dhici karta in duurjoog ooman ay magaalooyinka soo galaan si ay biyo u helaan; halkii laga cabsi gelin lahaa ama la waxyeellayn lahaa, waa in loo muujiyo naxariis iyo dulqaad. Ka fogaanshaha waxyeellada iyo u naxariisashada xayawaanku waa cibaado ajar leh oo ka mid ah mas’uuliyadda khilaafada dhulka ee Alle na saaray.

Alle SWT wuxuu yiri:
“Ma jiro makhluuq dhulka ku nool ama shimbir duulaysa oo aan ahayn ummado idin la mid ah.” (Al-Ancaam 6:38)

Nabiga ﷺ wuxuu yiri:
“Kuwa naxariista muujiya, waxaa u naxariista Eebaha Naxariista badan.” (Tirmidi)

Wuxuu kaloo ka warramay nin biyo u shubay eey ooman, taasoo sabab u noqotay in Alle u dambi dhaafo (Bukhaari & Muslim).

Gunaanad

Ramadaan cagaaran waa Ramadaan ajarkeeda la labanlaabo. Ilaalinta deegaanka waa cibaado, badbaadinta biyo iyo nolol waa sadaqo, geed beerisuna waa ajar soconaya oo sii jira. Soomaaliya oo ka mid ah dalalka ugu nugul saameynta isbeddelka cimilada, ficil kasta oo mas’uuliyad leh—xitaa mid yar—waa maalgashi loo sameynayo mustaqbalka jiilasha soo koraya. Ramadaantan, ka dhig cibaadadaada mid badbaadisa deegaanka isla markaana kordhisa ajarkaaga.

February 18, 2026 0 comments

Articles & Features Awareness Events English Green Talks

Mogadishu Drowns in Waste as BRA and Environment Ministry Face Public Backlash Over Inaction

by Ahmed Absie February 2, 2026

written by Ahmed Absie

Mogadishu is facing a deepening waste crisis that is no longer confined to its streets. It is spreading into its coastline, ecosystems, and public health systems, raising urgent questions about governance, accountability, and environmental leadership in Somalia.

At a public panel discussion held this week in the capital organized by Somali Dialogue Center, environmental activists, youth leaders, and social media influencers issued a strong warning. The growing mobilization of young people around waste and pollution, they said, reflects a crisis that has reached a critical point. What was once seen as a sanitation issue is now widely recognized as a national environmental emergency demanding immediate action.

Participants accused the Banadir Regional Administration (BRA) and the Ministry of Environment and Climate Change of failing to provide leadership, enforce policy, and respond effectively to the scale of the problem.

From Streets to Sea: How Mogadishu’s Waste Reaches the Ocean

Scientific evidence supports what residents experience daily. A coastal assessment published in 2024 recorded 119,873 waste items along Liido Beach alone, with nearly 90% identified as plastic, classifying the coastline as “extremely dirty” under international standards.

This pollution is not random. It follows a clear path. Waste generated in the city is left uncollected, dumped in open areas, or blocked in drainage systems. During rains or through wind movement, it is transported directly into the ocean. Globally, about 80% of marine waste originates from land-based sources, and Mogadishu is a clear example of this pattern.

The study further shows that more than half of the waste comes from local activities, while over a third is the result of direct dumping. This confirms that the crisis is largely homegrown, driven by weak waste management systems and lack of enforcement.

What happens next is less visible but more dangerous. Plastics break down into microplastics, enter marine ecosystems, and eventually reach the human food chain through fish and seafood.

Waste scattered along a major road, with an unattended trash container turning the area into a dumping site.

A Growing Environmental and Public Health Threat

The implications go far beyond environmental degradation. Poor waste management is increasingly recognized as a global public health threat. The World Health Organization warns that poorly managed solid waste is driving a growing health crisis, contributing to disease transmission, environmental contamination, and increased risks for vulnerable populations. In rapidly expanding cities like Mogadishu, these risks are amplified, as uncollected waste blocks drainage systems, contaminates water sources, and creates conditions for the spread of disease.

In Mogadishu, these risks are already visible. Waste blocks drainage systems, contributes to flooding, and creates breeding grounds for disease. Contaminated water and exposure to polluted environments are becoming part of daily life in some areas of the city.

One participant at the forum described the situation in stark terms:

“I believe Mogadishu is becoming the dirtiest city in the country, and maybe in the region. It is very clear that it is unhealthy to walk in some streets in the capital. There is more waste, unhygienic water, and pollution. The coasts of the city, including Liido, are becoming extremely dirty, while the community continues to pay for cleaning and waste management.”

Coastal Damage and the Threat to Somalia’s Blue Economy

Somalia’s coastline stretches over 3,000 kilometers and is one of the richest marine ecosystems in Africa. It supports fisheries, biodiversity, and livelihoods for thousands of coastal communities. Yet this natural asset is increasingly under pressure.

Marine pollution damages biodiversity, disrupts ecosystems, and reduces fish stocks. Coastal zones act as pollution sinks, accumulating waste that affects water quality and threatens marine life.

Read: Mogadishu’s Beach Cleaning Campaign: A story of environmental activists

This has direct economic consequences. Somalia’s blue economy, including fisheries and coastal tourism, depends on healthy ecosystems. As pollution increases, these sectors face growing risks.

Environmental ambassador Oscar Sulaiman warned that the situation is already critical:

“Large parts of Mogadishu’s coastline have effectively become dumping grounds. This is destroying marine life and threatening ecosystems. We have repeatedly called on the Ministry to act, but there has been no meaningful response.”

High Costs, Low Results: Where Are the Resources Going?

Participants also raised serious concerns about the financial and operational management of waste services in Mogadishu.

The private company Ifi Waste Management, which has held the city’s waste contract since 2021, charges households between $5 and $10 per month, while businesses and hotels pay between $30 and $100 depending on waste volume. Despite these payments, residents say there has been little visible improvement in waste collection, infrastructure, or cleanliness.

At the same time, the Banadir Regional Administration reportedly collects additional fees of $10 to $20 for road cleaning. Yet on the ground, sanitation workers often operate with minimal equipment and without protective gear.

Participants questioned whether the current system reflects effective service delivery or a lack of oversight and accountability in how public funds are managed.

Policy Commitments vs Reality on the Ground

Somalia’s Environmental Protection and Management Act clearly outlines the responsibilities of the Ministry of Environment. These include providing leadership, developing policies, enforcing environmental laws, monitoring environmental conditions, and ensuring proper waste management systems .

The law also requires that waste be minimized, safely managed, and disposed of in an environmentally sound manner, while mandating the protection of marine and coastal ecosystems.

However, the current situation in Mogadishu suggests a gap between policy commitments and implementation.

Oscar Sulaiman was direct in his criticism:

“The Ministry has failed to develop and enforce a clear waste management policy. Even the plastic bag ban, which consumed significant resources, has failed. Plastic is still everywhere in Mogadishu. That failure lies with the Ministry.”

Youth Step In as Institutions Fall Behind

**Hafsa Xilkasta, a social media influencer, mobilizes youth and peers to lead volunteer clean-up efforts along Mogadishu’s beaches.**

In the absence of effective government response, youth-led initiatives have emerged as a visible force in addressing the crisis. Social media campaigns and volunteer clean-up efforts are becoming more common, reflecting both frustration and civic responsibility.

Hafsa Xilkasta, known as “Xidigta Hodan,” described how these efforts began:

“We started cleaning because we saw the city becoming overwhelmed by waste. We are using our own resources, our own time. But this is not our responsibility alone. This is the responsibility of institutions that are not doing their job.”

Participants emphasized that while these efforts are important, they cannot replace systemic solutions. The increasing involvement of youth, they said, is itself a sign that the crisis has reached an alarming level.

A System Under Strain and a Call for Immediate Action

The discussion made clear that Mogadishu’s waste crisis is not simply about garbage. It reflects deeper structural challenges, including weak enforcement of laws, lack of coordination between institutions, limited transparency in the use of public funds, and absence of reliable environmental data.

At the same time, Somalia’s climate policy highlights the importance of protecting natural resources, strengthening resilience, and safeguarding key sectors such as marine ecosystems and urban environments . The current trajectory, however, suggests that these goals are not being met in practice.

Participants warned that without urgent reform, the consequences will continue to expand from city streets to coastlines, from environmental degradation to economic loss. They called for immediate and coordinated action to strengthen waste management systems, enforce environmental laws, invest in infrastructure and worker safety, and restore accountability at both municipal and national levels.

The message from the forum was clear. Mogadishu’s waste crisis is no longer a local inconvenience. It is a national environmental challenge with global implications, and the time for action is now.

February 2, 2026 0 comments

Articles & Features Green Talks Somali

6 Qodob oo Bahda Deegeenku Uga Fadhiyaan Wasiir Bashiir Goobbe.

by Admin January 11, 2025

written by Admin 2 mins read

Soomaaliya waxa ay wajahaysaa xaalad cakiran oo ku aaddan dhibaatooyinka deegaanka iyo saameynta isbeddelka cimilada. Waxyeelada ka dhalatay abaaraha soo noqnoqda, fatahaadaha khasaaraha ba’an gaysta, tayo dhaca dhulka iyo xaalufka kheyraadka dabiiciga ah ayaa sii adkeynaya nolosha bulshada Soomaaliyeed. Dhibaatooyinkan waxa ay keeneen cunto yari baahsan, biyo la’aan barakac, iyo naaqus ku socda tirada xoolaha Soomaaliya. Waxsoosaarka beeraha, oo awalba yaraa hayeeshee kamid ahaa ilaha ugu muhiimsan ee nolosha iyo dhaqaalaha bulshada ayaa wajahaya cadaadis xoogan oo ka imaanaya musiibooyinka ka dhashay doorsoonka cimilada.

Intaa waxaa sii dheer, Soomaaliya waxa ay caqabado ka haystaan helitaanka maalgelin ku filan oo loogu talagalay la qabsiga isbeddelka cimilada iyo dhimista saamayntiisa, taasi oo adkaynaysa in dalku si dhamaystiran wax uga qabto dhibaatooyinka haysta. Wasiir Bashiir Mohamed Jaamac (Goobbe), oo loo magacaabay Wasiirka Deegaanka iyo Isbeddelka Cimilada, waxaa horyaalla waajibaad culus oo ah hagidda dadaallada ku aaddan ilaalinta deegaanka iyo hagaajinta nolosha bulshada.

Xilka wasiirka cusub waxaa la socda mas’uuliyad ballaaran oo ku saabsan isku xirka saamileyda deegaanka, hufidda maamulka dhaqaalaha cimilada, iyo nooleynta dadaalada waxtarka leh oo lagu wajahayo doorsoonka cimilada. Green Media Initiative-GMI oo ah warbaahin ka shaqaysa una ololeysa Soomaaliya Cagaaran waxa ay halkan kusoo gudbisay Lix qodob oo muhiim ah oo bahda deegaanku ka filayaan wasiirka cusub si uu dalka ugu hoggaamiyo horumar cagaaran oo waara, ugana hortago musiibooyinka deegaanka ee sii kordhaya.

1. Dhisidda Kalsoonida iyo Xoojinta Wada Shaqeynta Saamileyda Deegaanka.

Wasiirka cusub waxaa looga baahan yahay inuu abuuro iskaashi waxtar leh oo u dhexeeya dhammaan dhinacyada daneeya ka shaqaynta deegaanka iyo doorsoonka cimilada, oo ay ka mid yihiin hay’adaha dawladda, ururada bulshada rayidka ah, warbaahinta, jaamacadaha, ganacsiyada gaarka loo leeyahay, iyo hay’adaha caalamiga ah. In la xaqiijiyo isku-xirnaan iyo wada shaqeyn rasmi ah waa talaabo lagama maarmaan ah oo hadda maqan, taasi oo sare u qaadi karta meelmarinta qorshayaasha la qabsiga isbeddelka cimilada iyo yaraynta waxyeeladiisa. Iskaashigan wuxuu si gaar ah muhiim ugu yahay xaqiijinta mashaariic guuleysta, sare u qaadidda wacyiga bulshada, fidinta aqoonta cagaaran, iyo fulinta qorsheyaasha waara ee deegaanka.

2. Daadajinta Mashaariicda si Sare loogu Qaado Maareynta Deegaanka iyo La Qabsiga Saameynta Cimilada

Maareynta deegaanka iyo la qabsiga isbeddelka cimilada waxay u baahan yihiin tallaabooyin degdeg ah oo waxtar leh. Wasiirka waxaa horyaalla muhiimad weyn oo ah in mashaariicda deegaanka loo daadejiyo gobollada iyo bulshooyinka ay saameynta ugu weyn ka soo gaartay abaarta, xaalufka, iyo isbeddelka cimilada. Waxay sidoo kale muhiim tahay in mashruucyadu ku saleysnaadaan cilmi iyo xog, laguna dhex daro fikradaha bulshada ee ku nool meelaha ay saamaynta ugu daran ka taagan tahay. Tani waxay sare u qaadaysaa waxtarka iyo joogtaynta horumarka shaqada wasaaradda iyo in faa’iidooyin la taaban karo laga helo mashaariicda.

3. Ka Qeyb Galinta iyo Mudnaansiinta Bahda Warbaahinta.

Warbaahinta waxay door muhiim ah ka qaadan kartaa faafinta wacyi gelinta iyo aqoonta ku saabsan isbeddelka cimilada iyo xalalka lagu yaraynayo saameyntiisa, taasi oo xal wayn u noqon karta aqoon yarida bulshada ee xaaladda isbeddelka cimilada, oo keentay in bulshadu aysan ka qayb noqon dadaalada cagaaran ee dalka. Wasiirka cusub waxaa laga filayaa inuu abuuro olole ballaaran oo wacyi gelin ah isagoo kaashanaya warbaahinta. Waxay sidoo kale muhiim tahay in warbaahinta loo tababaro sida loo soo saaro xogta saxda ah ee khuseysa isbeddelka cimilada, si ay bulshada u baraarugto una qaado tallaabooyin waxtar leh oo ku aaddan ilaalinta deegaanka iyo mustaqbalka jiilasheena dambe.

4. Abuurida Madal Qaran oo Mideysa Dadaallada iyo Codadka Cagaaran ee Deegaanka.

Waxaa muhiim ah in la abuuro madal qaran oo ay ku kulmaan dhammaan saamileyda daneynaya arrimaha deegaanka iyo cimilada. Madashan waa in uu noqdaa mid dhiirrigeliya wada shaqeynta iyo is-dhexgalka fikradaha waxtarka leh ee ku saabsan maaraynta deegaanka. Waxa kale oo muhiim ah in madashan ay bixin karto fursad lagu hubiyo in dhammaan qorshayaasha iyo mashaariicda lagu fuliyo qaab mideysan, si looga fogaado khilaafyo iyo isku-dhicidda habraacyo aan is waafaqsaneyn.

5. Fidinta Aqoonta Cagaaran Si Sare Loogu Qaado Fahamka Bulshada

Kobcinta fahamka iyo aqoonta bulshada ayaa laf-dhabar u ah xallinta dhibaatooyinka deegaanka. Sidaas daraadeed waa in lasoo kordhiyaa barnaamijyo waxbarasho cagaaran (Green education) oo dhisa aqoonta bulshada. Barnaamijyada Waxbarashada Cagaaran waxa lagu dari karaa dugsiyada hoose, dhexe, iyo sare, si carruurta iyo dhalinyarada loogu abuuro wacyi ku saabsan ilaalinta dhirta, dhulka, iyo khayraadka kale ee dabiiciga ah. Sidoo kale, jaamacadaha waa in laga taageeraa koorsooyin lagu baranayo maaraynta deegaanka iyo isbeddelka cimilada. Bulshada inteeda kalena waa in si firfircoon loogu dhiirrigeliyaa ka qaybgalka waxqabadka deegaanka, iyadoo la adeegsanayo tababaro, ololeyaal wacyigelin oo warbaahinta la marsiinayo, iyo kulamo guud. Hirgelinta waxbarashada cagaaran ayaa Soomaaliya usoo saari doonta doonta jiil aqoon sare leh oo u taagan difaaca iyo badbaadinta deegaanka.

6. Xaqiijinta iyo Adeegsiga Hufan ee Maalgelinta Cimilada.

Wasiirka cusub waxaa laga rajeynayaa inuu xoogga saaro sidii Soomaaliya uga faa’iideysan lahayd maalgelinta caalamiga ah ee loogu talagalay wax ka qabashada isbeddelka cimilada. Sida hubinta in Soomaaliya ay saami ku filan ka hesho lacagaha loogu talagalay taageerada mashaariicda la qabsiga iyo dhimista saamaynta cimilada (Climate Finance). Isbeddelka cimilada waa dhibaatada ugu wayn ee haysata Soomaaliya, amni la’aanta kadib. Wasiirka waa inuu hubiyaa in lacagaha lagu helo magaca cimilada ay maamulaan gacmo sax ah, loona isticmaalo si waxtar leh.

Wasiirka cusub ee deegaanka Mudane Bashiir Mohamed Jamac (Goobbe), waxa uu haystaa fursad qaali ah oo uu ku mideyn karo dadaallada lagu badbaadinayo deegaanka, isla markaana kor loogu qaadayo awoodda Soomaaliya ee ka hortagga iyo la qabsiga isbeddelka cimilada. Green Media Initiative-GMI waxa ay u rajeynaysaa in wasiirku uu fuliyo tallaabooyin horumarineed oo geesinimo leh si loo xaqiijiyo mustaqbal cagaaran, waara oo Soomaali oo dhan ay ku naaloodaan.

January 11, 2025 0 comments